Qaydalar

          

I qayda:  8 yaşını keçmisən,böyük oğlansan və ya qızsan,oyuncağın olmasın,şaxta babaya inanma,hədiyyə istəmə,xəyal belə eləmə,ümumiyyətlə xəyallarını sındır,velosiped sürmə,gic-gic oyunlar oynama,söyüş söymə,tərbiyəli uşaq ol,uzağa getmə,böyüklərə hörmət elə,nə deyirlərsə "hə" de,cavab qaytarma,yeməyini ye,qabağa dur,üstünə dağıtma,yerə yıxılma,paltarını batırma,ayaqqabını hər gün təmizlə,dırnaqlarını tut,saçını qırxdır,üzün qırx,ictimai yerdəsən,səliqəli ol,əynin-başın yaxşı olsun,bahalı heç nə alma,pula qənaət elə,hətta simiclik elə,sadəcə xeyirli şeylərə pul xərclə,qazlı su içmə,fastfood yemə,siqaret çəkmə,alkoqollu içki az iç,nəşə çəkmə,qohumlara gedəndə və evə qonaq gələndə sən də orada ol,ailəvi istirahətdə sən də ailəni tamamla,nə edirsənsə,haraya gedirsənsə yaşıdın qardaş və ya bacını da apar,Tanrıya ibadəti ailə qanununa görə et,dərslərini yaxşı oxu,bacarırsan heç hazırlığa getmə,ali məktəbə daxil ol,valideynin seçdiyi universitetə get,oranı da yaxşı oxu,kəsildiyin dərs olmasın,universiteti çalış əla bitir,diplomu al,əsgərliyə getmə,çünki xəstəsən,vətəni sənsiz də qoruyarlar,ixtisasın üzrə iş axtar,ölənə kimi orada çürü,ziyalı ailədən qız bəyən,elçi get,evlən,toyda hamıdan pul yığ,balayına get,bazarlıq elə,2-3 uşaq sahibi ol,maşın al və onunla bütün nəslini daşı,arendaya yer götür,alver elə,sonra özün üçün şəxsi ticarət qur,pul qazan,ailəni saxla,bütün gün ye-iç,uşaqlarını böyüt,oxut,evləndir,arvadına xəyanət elə,məşuqən olsun,ailənlə birlikdə ona da bax,pul yığ,daha böyük işlər qur,ailənin boğazından kəs,biznesi irəlilət,daha çox pul qazan,daha çox xərclə,daha çox pul qazan,daha çox xərclə,daha çox pul qazan,daha çox xərclə...Xəstələn,qocal,yıxıl,öl! Valideynin öldü,gözəl yas keçir,ora qohumların gəlməyini gözlə,az pul verənə sifət elə,millətə yuxarıdan aşağı bax,dini bayramlarda qurban kəsib qohum-əqrəbaya payla,yaxınları yanına işə götür,qazan,ye,iç,öl,kasıbları,ümumiyyətlə digər insanları vecinə də alma...

II qayda: 16 yaşına kimi oyuncaqların olsun,həyətdə uşaqlarla oyun oyna,evdə də komyuter oyunları,ölənə kimi velosiped sür,dərslərini normal oxu,bəyəndiyin fənlər əsasında universitetə hazırlaş,istədiyin universitetə daxil ol,istədiyin fakültədə oxu,xəyallar qur,müxtəlif cür yemək ye,lap yerdə də,böyüklər söhbət edəndə fikrini bildir,əsəbiləşəndə söyüş söy,amerikanlar "what the fuck?!",ruslar "какого хрена?", türklər "vay amına koyayım" deyə bilirlərsə,sən də ən azından "ay blin" de,hara getməyi arzulayırsansa,ora get,uşaqsansa,üst-başın önəmli deyil,uşaq dəcəl olar və dəcəl uşağın həmişə paltarı çirkli olar,modanı izləmə,necə 

geyinməyi,necə saç-saqqal tərzi bəyənirsənsə,o cür görün,uzun və ya qısa,bunları özün seç,istədiyin şey bahalıdırsa,pulun çatdığı qədər xərclə,simiclik eləmə,o səni sevindirəcəksə,ziyanlı da olsa,puluna qıy və al onu,hər şeyin dadını çıxart,istəmədiyin yerə getmə,orada olmağa məcbur deyilsən,bir yerə tək getmək istəyirsənsə,tək get,heç kimə qulaq asma,fəlsəfi və dini baxışın sənin özündən asılıdır,heç kim sənə zorla din yeridə bilməz,universitetdən bezsən çıx oradan,diplom kağız parçasıdır və o sənin taleyində heç bir rol oynamır,əsgərliyə get,vətənpərvər ol,yaşadığın torpağa "sağ ol" de,sevdiyin insanla ailə həyatı qur,əgər səni sevən yoxdursa,tələsməyə ehtiyac yoxdur,nə vaxtsa qarşına çıxacaq,camaat 50 yaşında evlənir,heç nə olmaz,uşaq sahibi olmağa da tələsmə,uşaq istəmirsənsə,onu dünyaya gətirməyin,xəyallarındakı,elə işdə işlə ki,o işi sevinclə görəsən,bacardığın qədər insanlara xidmət et,özünə az da qalsa,əsas insanlardır,humanist ol,öz ailəni sevdiyin qədər,insanları da sev,elə zənn et ki,dünya sənin ailəndir,uşaqlarına 18 yaşlarına kimi bax,ondan sonrakı həyatlarını özləri seçsinlər,sən sadəcə dəstəyini onlardan əsirgəmə bəsdi,həyat yoldaşını ölənə kimi sev,ona qarşı heç vaxt səhv eləmə,o səhv eləsə də,pulun çox olsa da,birinci yerdə özünü düşünmə,ümumiyyətlə pul haqqında düşünmə,xoşbəxtliyini düşün,pul səni xoşbəxt etməz,yalnız birini xoşbəxt görmək səni xoşbəxt edər,ölümdən qorxma,qısaca,heç nədən qorxma,qorxu səni pisliyə sürükləyər,necə ki,cəhənnəm əzabından qorxub Tanrıya ibadət edənlərin qəlbləri qaranlıq olduğu kimi...

           

                                   Bəs siz hansı qaydaları seçirsiniz?